Fjord, foss og fjell
Mellom fjord og fjell i Sunnfjord ligg eit landskap forma av naturkrefter og menneske gjennom tusenvis av år.
Langs elva Gaula bind historia saman bygder og menneske – frå fjorden i vest, over fossane og til fjellet i
aust.
Bli med på ei tidsreise gjennom Gaular, frå dei første vikingane som segla inn Dalsfjorden, til dagens
reisande som ferdast mellom fjell, foss og fjord.
Forteljinga om Gaular starter...
Mellom fjord og fjell, der Dalsfjorden skjer inn i landskapet, ligg Bygstad – ei bygd med lange røter og rike soger. Her har menneske levd og ferdast sidan vikingtida, forma av naturkreftene og fellesskapet. Forteljinga om Bygstad er ei reise frå gamle segner til moderne tid, der historia framleis lever i bygda si sjel.
Ved breidda av Gaula, der elva buktar seg vidare mot Dalsfjorden, ligg Sande – ei bygd forma av vatnet, jorda og dei menneska som slo seg ned her. Gjennom tidene har ho vore eit viktig møtepunkt for ferdsle, både sørover og nordover langs den Trondheimske Postveg, og for trafikken mellom fjord og fjell i aust og vest. Her kryssa stiar og vegar kvarandre, og bygda voks fram som eit naturleg samlingspunkt mellom bratte lier og fossande stryk langs Gaula.
Mellom høge fjell og grøne lier, der elva Gaula renn klar og kald, ligg Viksdalen – ei bygd med lange røter og
eit levande fellesskap. Historia strekkjer seg heilt attende til vikingtida, då ferdafolk fann veg gjennom dalen
og la grunnlaget for busetnaden som framleis pregar området i dag.
Forteljinga kjem i 2027
...mellom fjell og dalar, finn vi opphavet til dei kreftene som har forma landskapet gjennom tusenår.
Så lenge mennesket har eksistert, har snøfnugg dale ned og lagt seg til ro på dei breie, snøkledde toppane på
Gaularfjellet. Kvar sommar, når sola varmar, smeltar snøen, og dropar renn saman til stadig sterkare straumar –
frå fjelltoppen, gjennom dalane og dei mektige fossane, og vidare ut i Gaularvassdraget, før dei igjen finn
havet langt mot vest.
Sjølv dei første menneska som for tusenvis av år sidan vandra langs vatnet, må ha kjent ærefrykt for den
storslåtte naturen som omsluttar alle som ferdast her. Livet med, og mot, naturen er hjartet i den spennande
forteljinga om utviklinga av Sunnfjord.
Slik bind landskapet og historia stadene saman – frå fjord til fjell, frå fortid til notid.